3D-ն օգնել է առանձնացնել սիամական երկվորյակներին. 1in.am

Չինացի վիրաբույժները 12-շաբաթական սիամական երկվորյակներին նախքան առանձնացնելն օգտվել են 3D-տպագրության տեխնոլոգիայից: Վիրահատությունը հաջող է անցել՝ հայտնում է medportal.ru-ն: 

Աղջիկները ծնվել են սերտաճած ազդրերով ու ողնաշարի ստորին մասով: Բացի դրանից՝ երկվորյակներն ունեցել են աղիների ընդհանուր ստորին մասեր: Ծնողները նրանց ծնվելուց առաջ չեն իմացել, որ նրանք սիամական են: 

Նրանց առանձնացման վիրահատությունը տևել է 5 ժամ: Վիրահատությանը պատրաստվելու համար բժիշկներն օգտվել են 3D-տպագրությամբ զբաղվող ընկերության ծառայություններից, ստեղծվել է երկվորյակների սերտաճած մասերի երկու մոդել:

Վիրաբույժների խոսքով՝ ծավալային մոդելի ստեղծումն իրենց օգնել է ընտրել վիրահատության օպտիմալ տարբերակը: Երկվորյակներն այժմ ինտենսիվ թերապիայի բաժանմունքում են՝ հսկողության տակ:

Հարցեր, պատասխաններ, մեկնաբանություններ